ORIENTERING OM KRAFTFONDET I VOLDA KOMMUNE.

Hovudbidragsytar til kraftfondet har vore og er utbygginga i Åmæla. Samla tilførsle til kraftfondet er omlag kr. 450.000,- pr. år (frå 2001).

Korleis skal midlane brukast:

Kommunestyret har gjort vedtak om eigne vedtekter, som er godkjent av Fylkesmannen i Møre og Romsdal den 5.11.96, jfr. vedlegg.

Fondet skal nyttast til næringsføremål, men kan og nyttast til kommunale fellestiltak..

Tilskot frå fondet er vurdert som skattepliktig inntekt for søkjar

Sakshandsamingsreglar:

Næringsutvalet, som er fondsstyre, har vedteke følgjande om den konkrete bruken av fondet:

Næringsutvalet  legg til grunn følgjande m.o.t. søknader om investeringar:

            Det vil i hovudsak ikkje bli gjeve støtte til:

            - rullande materiell (bilar og tilhengar)

            - kontorutstyr og -maskiner

            - handverkty

            - bygningar (her unntatt produksjonsanlegg)

            - Det blir ikkje løyvd midlar til tidlegare støtta tiltak før det har gått minst 5 år frå
              første gong det vart gjeve støtte til tiltaket.  Dette hindrar ikkje at eventuelle nye 
              eigarar kan søkje støtte til supplerande investeringar eller bedriftsutviklingstiltak.

Vidare i tilfelle sal/nedlegging:

- Dersom verksemda blir selt eller nedlagt i løpet av 2 år frå tilsagn om støtte vert gjeve, skal næringsutvalet kunne krevje attendebetalt høvesvis del av innvilga tilskot etter nærare vurdering.

Ved nyetableringar vil det etter nærare vurdering også kunne bli sett følgjande             vilkår:

            - Det er eit vilkår at søkjar vil ta del i etableraropplæring, t.d. Etablerarskulen.           
              Næringsutvalet vil dekkje 50% av kostnadane til denne på vanleg måte.

Utover dette vil søknader bli handsama individuelt og vurdert i kvart einskild tilfelle.

Administrasjonssjefen får fullmakt til å innvilge søknader om lenging av utbetalingsfrist i samband med løyvingar frå kraftfondet. Lenging av frist ut over 2 år må leggast fram for næringsutvalet til avgjerd.

Administrasjonssjefen får fullmakt til å innvilge søknader om bedrifts-            utviklingstiltak på inntil kr. 10.000,- (50% av ein totalkostnad på kr. 20.000,-).             Administrasjonsjefen får  fullmakt til å innvilge søkjarar 50% dekking av             etablerarskulekostnader (kursavgift).

Administrasjonssjefen får fullmakt til å prioritere midlar til kompetansehevande tiltak til administrasjonen med inntil kr. 5.000,- pr. tiltak.

Søkjarar må legge fram skatteattest før søknad vert handsama.

Volda, 6.6.03.